Áætlanir ekki staðist hjá RÚV

Á sama fundi fór fjármálastjóri yfir afkomu ágústmánaðar sem var ríflega 17 milljónum yfir áætlun. Ef horft er til fyrstu átta mánaða ársins kemur í ljós að hagnaður fyrir afskriftir og fjármagnsliði nam 650 milljónum króna sem er um 140 milljónum undir áætlun. Þá er rekstrarkostnaður 47 milljónum yfir áætlun fyrstu átta mánuðina.

Stjórn Ríkisútvarpsins fékk sömuleiðis kynningu á því að til standi að breyta áætlanagerð hjá stofnunni. Sem kunnugt er hefur hallarekstur verið þar á bæ undanfarið og reyna stjórnendur að vinda ofan af þeirri þróun. Þannig stendur nú til að horfa lengra fram á veginn en bara til eins árs við gerð fjárhagsáætlunar fyrir 2026.

„Auk áætlunar til næsta rekstrarárs sé jafnframt farið yfir framreikning um þróun afkomu, efnahags og sjóðstreymis fram til ársins 2028. Áfram verði unnið eftir fyrirliggjandi markmiðum stjórnar um yfirvegaðan og hallalausan rekstur,“ segir í fundargerð.