Leita áfram leiða
Setja bókamerki
„Við erum búin að vera að leita áfram leiða til þess að leiða málið í jörðu en það er ekki komið neitt nýtt í því,“ segir Ástráður Haraldsson ríkissáttasemjari um kjaradeilu Félags íslenskra flugumferðastjóra (FÍF) og Samtaka atvinnulífsins (SA).
FÍF hélt félagsfund í gærkvöld þar sem staðan í kjaradeilunni var rædd og sagði Arnar Hjálmsson, formaður félagsins, við mbl.is að loknum fundi að þreyta og pirringur væri í félagsmönnum. Þá myndi hann ræða við Ástráð Haraldsson ríkissáttasemjara í dag til þess að greina honum frá hljóðinu í fólki.
Í samtali við mbl.is segist Ástráður hafa rætt við Arnar í gær og að þeir muni ræða aftur saman seinna í dag.
Síðasti fundur 29. október
Aðspurður svarar hann að ekki hafi verið boðað til nýs fundar eftir samtal þeirra í gær og segir jafnframt að deiluaðilar, auk Haralds sjálfs, séu búnir að vera að fylgjast hver með öðrum og leita leiða til þess að enda deiluna án árangurs, enn sem komið er.
Á meðal þess sem var rætt á fundi FÍF í gær voru frekari verkfallsaðgerðir flugumferðarstjóra en þó ekkert ákveðið.
Þá sagði Arnar í samtali við mbl.is í gær að einhverjar þrefingar hefðu átt sér stað í kjaradeilunni án þess að þær hafi skilað miklu.
Síðasti fundur í kjaraviðræðunum var haldinn miðvikudaginn 29. október.
Fimm ára fangelsi fyrir tilraun til manndráps
Verði heimilt að vísa ofbeldisfullum nemendum úr skóla
Hafa ekki hugmynd að þau taki þátt í stríði
„Voðalega lítið reynt á þetta“
„Er að nálgast einhver endalok“
„Lausliðugramessa“ markar upphaf annríkis