Svara um brottflutninga að vænta

Borgarastyrjöldinni lauk í Sýrlandi með falli einræðisstjórnar Bashar al-Assads undir lok síðasta árs.

Friedrich Merz Þýskalandskanslari hefur boðað brottflutning Sýrlendinga frá Þýskalandi til síns heimalands. Spurð hvort slíkt hið sama standi til hér á landi segir Þorbjörg Sigríður:

„Útlendingastofnun hefur verið að meta aðstæður í Sýrlandi en endanleg ákvörðun liggur ekki fyrir. Auðvitað er það alltaf hugsunin í kerfinu að þegar fólk fær alþjóðlega vernd á grundvelli einhvers ástands eins og stríðsástands í landinu, að þegar því ástandi linnir, þá breytist matið. Mér finnst auðvitað mjög eðlilegt að þetta sé skoðað. Hafi aðstæður í Sýrlandi breyst með þeim hætti á ég von á að viðbrögð Íslands breytist í samræmi við það.“