Kristinn H. genginn í Framsókn?

Fullyrt er, að Kristinn H. Gunnarsson alþingismaður og eiginkona hans, Elsa Friðfinnsdóttir, hafi gengið í Framsóknarflokkinn í gærkvöldi. Kristinn vildi í dag ekki staðfesta þetta en sagði að von væri á yfirlýsingu frá sér síðar í dag.

Á fréttavefnum feyki.is  segir er haft eftir heimildum að Kristinn ætli að taka þátt í prófkjöri Framsóknarflokksins í Norðvesturkjördæmi. Hann var á sínum tíma þingmaður þess flokks í kjördæminu. Kristinn sagði sig síðar úr flokknum og gekk til liðs við Frjálslynda flokkinn. Hann sat á þingi fyrir flokkinn fram á fimmtudag en gekk þá úr honum.

Mbl.is ræddi við Kristinn fyrr í dag og þá vildi hann ekki greina frá ákvörðun sinni. „Það er komin niðurstaða sem ég er mjög sáttur við,“ sagði hann hins vegar.

• 3 blogg um fréttina

Bloggað um fréttina

• Súsanna Svavarsdóttir: Æ-æ
• Ingimar Eggertsson: Kannski í annan flokk á morgun.
• Magnús Geir Guðmundsson: Hamingjustund hláturtauga minna!