Árni Johnsen segir skipulega unnið gegn sér

 Árni Johnsen, sem var strikaður út af 17% kjósenda Sjálfstæðisflokksins í Suðurkjördæmi, segir í viðtali við Fréttir í Vestmannaeyjum, vonlaust þegar samherjar hans í kjördæminu séu að skipuleggja útstrikanir sér til höfuðs.  Hann vill breyta útstrikunarreglum og segir sjálfstæðismenn í Árborg hafa unnið óheiðarlega.

Í Fréttum, sem koma út í kvöld, kemur fram að aðrar alþingiskosningarnar í röð strika flestir yfir nafn Árna í Suðurkjördæmi, nú um 17% kjósenda en árið 2007 strikuðu 22% yfir nafn hans.

Árni segir þetta fyrst og fremst innanflokks­vandamál. „Það er auðvitað alveg skelfilegt þegar samherjar manns setja af stað heilt batterí til að strika mig út. Útstrikanir eru eðlilegur hluti kosninga út frá forsendum einstaklinga en ég veit að það var sett af stað batterí á Árborgarsvæðinu mér til höfuðs, bæði af ungliðum og eldri flokksmönnum. Þau hringdu út, sögðu fólki að kjósa Sjálf­stæðisflokkinn en strika mig út. Ef þau ætluðu ekki að kjósa Sjálfstæðisflokkinn, áttu þau samt að strika mig út. Þarna var verið að blekkja kjósendur til að ógilda atkvæði sitt sem er grafalvarlegur hlutur. Verst þykir mér þegar frambjóðendendur á listanum á Árborg­arsvæðinu taka þátt í þessu," sagði Árni.

Sjá nánar á fréttavefnum Suðurlandið

• 12 blogg um fréttina

Bloggað um fréttina

• Erla Einarsdóttir: Þetta er rosaleg ásökun og krefst rannsóknar.
• Egill Jón Kristjánsson: Nú er mér öllum lokið Árni.
• Helga Dögg Sverrisdóttir: Synd að þekkja ekki sinn vitjunartíma
• Erla J. Steingrímsdóttir: Skilur hann ekki
• Magnús Jónsson: Það sem Árni Johnsen ekki skilur ?
• Gísli Foster Hjartarson: Tek nú ekki oft upp hanskann...
• Tómas Þráinsson: Hættu þessu væli glæpaspíran þín!!
• Guðmundur Pétursson: Líklega bara ætlað að undirstrika
• Gregg Thomas Batson: Conspiracy Theorist
• Heimir Tómasson: Vitleysingur
• Axel Jóhann Hallgrímsson: Árna Johnsen misbýður og játar
• Hinrik Pétursson: Hefur náttúrlega ekkert með það að maðurinn er glæpon eða …