Kjartan Magnússon borgarfulltrúi sóttist eftir öðru sætinu í prófkjöri Sjálfstæðismanna í Reykjavík en hafnaði í því þriðja. Hann segist sáttur við sinn hlut og bendir á að hann hafi fengið flest atkvæði í heild, eða 3.342. „Ég lít á það sem mikla viðurkenningu fyrir mín störf og hvatningu til að gera betur,“ segir Kjartan í samtali við mbl.is. Halldór Halldórsson, fyrrverandi bæjarstjóri á Ísafirði og formaður Sambands íslenskra sveitarfélaga fékk flest atkvæði í fyrsta sætið og mun leiða listann í næstu borgarstjórnarkosningum.

Hvað finnst Kjartani um að landsbyggðarmaður hafi sigrað í prófkjörinu í höfuðborginni?

„Ég hef ekkert nema gott um hann að segja,“ segir Kjartan og segist ekki líta á sigur hans sem dóm yfir störfum þeirra borgarfulltrúa sem buðu sig fram í efstu sæti listans.

„Flestir borgarfulltrúarnir fá áfram mjög góða kosningu. Júlíus varð í öðru sæti í síðasta prófkjöri og fær það áfram. Ég var í þriðja sæti síðast og fæ það áfram. Þorbjörg Helga varð í fjórða sæti síðast og fær það áfram. Sitjandi borgarfulltrúar fá mjög góða útkomu. Það er ekkert verið að fella dóm yfir okkur.“

Kjartan segir að strax verði hafist handa við næsta verkefni: Að undirbúa borgarstjórnarkosningar.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 5 blogg um fréttina

Bloggað um fréttina

• percy B. Stefánsson: Að flýja raunveruleikann?
• Geir Ágústsson: Kjartan er ólíkur hinum
• Haraldur Haraldsson: Ekki dómur yfir borgarfulltrúum,segir Kjartan sem lenti í 3 sæti,góður …
• Heimir Lárusson Fjeldsted: Dómurinn
• Jóhann Páll Símonarson: Jú þetta var dómur og skoðun sjálfstæðismanna.