Sjálfstæðisflokkurinn og Björt framtíð eru stærstu flokkarnir á Akranesi samkvæmt nýrri könnun Félagsvísindastofnunar Háskóla Íslands fyrir Morgunblaðið á fylgi flokka í bænum.

Meirihlutinn í bæjarstjórn er fallinn. Flokkarnir þrír sem mynda meirihlutann, Framsókn, Samfylkingin og Vinstri-græn, tapa allir miklu fylgi, að því er fram kemur í fréttaskýringu um pólitíkina á Skaganum í Morgunblaðinu í dag.

Fylgi Sjálfstæðisflokksins mælist nú 43,1%. Fengi flokkurinn fjóra fulltrúa í bæjarstjórn en hefur nú tvo. Björt framtíð mælist með 20,5% fylgi. Hún fengi tvo fulltrúa. Samfylkingin tapar miklu fylgi. Stuðningur við hana mælist nú 19,2% og fengi hún tvo bæjarfulltrúa kjörna. Í kosningunum 2010 fékk flokkurinn 34,8% atkvæða og fjóra bæjarfulltrúa.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir