Sjálfstæðisflokkurinn í Vestmannaeyjum bætir við sig miklu fylgi frá síðustu bæjarstjórnarkosningum. Samkvæmt skoðanakönnun Félagsvísindastofnunar fyrir Morgunblaðið fengi flokkurinn nærri 70% atkvæða í Eyjum.

Eina mótframboðið, Eyjalistinn, nýtur tæplega 30% fylgis. Verði niðurstaða kosninga í samræmi við könnunina fær Sjálfstæðisflokkur fimm bæjarfulltrúa en Eyjalistinn tvo. Fyrirrennari Eyjalistans, Vestmannaeyjalistinn, hefur þrjá bæjarfulltrúa í núverandi bæjarstjórn.

Í fréttaskýringu um könnunina í Morgunblaðinu í dag segir Jórunn Einarsdóttir, efsti maður á Eyjalistanum, mikið verk fyrir höndum. „Við höfum sannarlega sýnt það að við höfum margt til málanna að leggja og eigum fullt erindi við Vestmannaeyinga,“ segir Jórunn.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir