Meirihluti Sjálfstæðisflokksins í Árborg er fallinn samkvæmt nýrri könnun sem Félagsvísindastofnun hefur gert fyrir Morgunblaðið á fylgi flokka í sveitarfélaginu.

Fylgi Sjálfstæðisflokksins mælist 36,2% en var 50,1% í kosningunum 2010. Hann fær fjóra menn kjörna, tapar einum og þar með er hreinn meirihluti hans fallinn, að því er fram kemur í fréttaskýringu um fylgismælinguna í Morgublaðinu í dag.

Framsóknarflokkurinn er með 17,6% fylgi og fengi tvo fulltrúa. Samfylkingin er með 17,1% fylgi og fengi einn. Björt framtíð, sem ekki hefur boðið fram áður, mælist með 11,8% fylgi og næði inn manni. Vinstri græn eru með 8% fylgi sem þýðir að flokkurinn tapar eina bæjarfulltrúa sínum.

Þegar könnunin var framkvæmd í síðustu viku ætluðu Píratar að bjóða fram. Fylgi þeirra mældist 8,7% sem gefur einn fulltrúa. Er könnuninni lauk kom í ljós að ekkert verður af framboðinu.

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir