Menn hafa staðið saman
Setja bókamerki
„Ég skil ekki alveg ástæðuna fyrir þessum viðbrögðum hjá aflandskrónueigendum. Það hefur verið gæfa Íslendinga að við höfum staðið saman í flestum mikilvægu málunum, í setningu neyðarlaganna, í afnámi hafta og öðru. Við höfum unnið þetta mjög vel og í sátt á milli flokka.“
Þetta segir Óttarr Proppé, formaður Bjartrar framtíðar og þingmaður flokksins, út af frétt í Financial Times um að kröfuhafar geri sér vonir um að hægt verði að endursemja um kjör við íslensk stjórnvöld ef ný ríkisstjórn taki við. „Mér finnst það skrýtið mat hjá þessum eigendum að halda að það breytist eitthvað með samheldni okkar Íslendinga þótt önnur stjórn taki við, ég tel að svo verði ekki,“ segir Óttarr Proppé.
„Það hefur verið mikil samstaða hjá öllum á Alþingi í þessu máli og við viljum halda henni áfram,“ segir Árni Páll Árnason, oddviti Samfylkingarinnar í Suðvesturkjördæmi, í umfjöllun um mál þetta í Morgunblaðinu í dag.
Ráðherra um árshátíðina: „Hljómar frekar hátt“
Íranar hafi vísvitandi gætt hófs
Forsetafylgismenn dregnir í dilka
Mánuður frá gosi: Lengsta gosið frá 2021
Boðar 17 milljarða hagræðingu á næsta ári
„Eins og ef Alþingishúsið brynni hér“