„Ef einhver vill að ég verði ráðherra mun ég auðvitað hugsa málið en ég er samt ekki að sækjast eftir því,“ segir Birgitta Jónsdóttir, þingmaður Pírata.

Birgitta býður sig ekki fram í komandi alþingiskosningum. Hins vegar hefur því verið fleygt að hún gæti tekið sæti í ríkisstjórn, enda sé það stefna Pírata að sækja sér ráðherra út fyrir þingið. Þetta var til að mynda fullyrt í dálkinum Hugin og Munin í Viðskiptablaðinu í liðinni viku. Þar sagði að Birgitta hefði rætt við Katrínu Jakobsdóttur, formann Vinstri-grænna, og lýst því yfir hvaða ráðuneyti hún hefði hug á.

Í umfjöllun um mál þetta í Morgunblaðinu í dag segir Birgitta að ekkert sé hæft í þessum fregnum.

Tengdar fréttir

Alþingiskosningar 2017

Vildu stýra fjórum nefndum

• Mikill stuðningur við ríkisstjórnina
• Þing gæti komið saman um miðjan mánuð
• Pólitískur ráðherra, ekki fagráðherra
• Kosið of snemma um stjórnarslit

» Fleiri tengdar fréttir