Vill fund vegna svissneskrar leiðar
Setja bókamerki
Tengdar fréttir
Húsnæðismarkaðurinn
Sigurður Ingi Jóhannsson, formaður Framsóknarflokksins, ætlar að boða Gylfa Arnbjörnsson, forseta ASÍ, á fund vegna ummæla Gylfa um svissnesku leiðina sem Framsókn ætlar að fara í húsnæðismálum.
Í henni felst að ungu fólki verði heimilt að taka út iðgjaldið sem það hefur lagt í lífeyrissjóð og nýta sem útborgun við íbúðarkaup. Við sölu íbúðarinnar er iðgjaldinu skilað aftur inn í lífeyrissjóðinn. Gylfi sagði í samtali við RÚV að þessi tillaga Framsóknarflokksins væri „galin“ að því leytinu að ef fólk fari með peningana út úr lífeyrissjóðnum sé það ekki lengur tryggt.
Sigurður Ingi spyr á Facebook-síðu sinni hvort Gylfi sé að vinna gegn almenningi í landinu. „Það er grafalvarlegt og ég hef af því verulegar áhyggjur að forseti ASÍ reyni að blekkja almenning hvað eftir annað í stað þess að reyna að finna raunhæfar leiðir til að hjálpa. Hvaða tillögur hefur ASÍ lagt til varðandi verðtrygginguna? eða hverjar eru tillögur ASÍ varðandi vandann í húsnæðismálum?“ skrifar hann.
Sigurður bætir við að nauðsynlegt sé að leysa bráðavanda ungs fólks í húsnæðismálum. „Fólk er að greiða himinhá iðgjöld inn í lífeyrissjóðina, er að greiða af námslánum, er með ung börn og það verður æ erfiðara að safna upp í útborgun fyrir fyrstu íbúð. Ungu fólki verður heimilt að taka út það iðgjald sem það hefur lagt í lífeyrissjóð. Samningurinn verður þannig að lífeyrissjóðsréttindin halda sér. Lífeyrissjóðirnir eru á fyrsta veðrétti og fá sitt til baka. Til að mynda gæti fólk greitt meira inn í lífeyrissjóðinn við sölu fasteignar en það tók út. Það tryggir að réttindin muni ekki skerðast.“
Tengdar fréttir
Húsnæðismarkaðurinn
Væri að ljúga ef ég segðist ekki stressaður
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
„Það þarf að vinna mikinn fjölda upp“
Gígbarmurinn hækkað frá því í gær
Tveir í bílnum sem lenti utan vegar
Handteknir eftir myndatöku í Vesturbæjarlaug
Krefjast stöðvunar framkvæmda