Ólafur Þór Gunnarsson, nýkjörinn þingmaður Vinstri grænna, baðst í dag lausnar frá bæjarstjórn Kópavogs, en þangað var hann fyrst kosinn árið 2006. Ólafur greinir frá þessu á Facebook-síðu sinni.
Hann þakkar öllum sem hafa stutt hann í starfinu í bæjarstjórn, og jafnframt þeim sem hann hefur þar starfað með, fyrir samstarfið.
Ólafur er ekki alveg ókunnur starfinu sem við tekur á Alþingi því hann hefur verið varaþingmaður Vinstri grænna með hléum frá árinu 2009.