Félag Viðreisnarfólks á Seltjarnarnesi var stofnað með formlegum hætti miðvikudaginn 7. febrúar. Stofnfundur félagsins var haldinn á Rauða ljóninu og sóttu á þriðja tug fundinn. Á fundinum var Páll Árni Jónsson kjörinn formaður, en Rán Ólafdsdóttir og Karl Pétur Jónsson meðstjórnendur.
Þetta kemur fram í tilkynningu.
Þar segir ennfremur, að formaður Viðreisnar, Þorgerður Katrín Gunnarsdóttir, hafi tekið til máls á fundinum og benti á að þrátt fyrir að segja megi að Seltjarnarnes sé að mörgu leyti fyrirmyndarsveitarfélag, þá sé það ekki lýðræðinu hollt að sömu aðilar sitji að völdum í meira en hálfa öld.
Viðreisnarfélagið stefnir að framboði til bæjarstjórnar í kosningunum í maí.