Framboðslisti Samfylkingarinnar í kosningum til bæjarstjórnar Akraness í vor var samþykktur á fjölmennum félagsfundi í vikunni.
Þetta kemur fram í fréttatilkynningu frá Samfylkingunni. Ingibjörg Valdimarsdóttir, sem verið hefur oddviti Samfylkingarinnar í bæjarstjórn síðastliðið kjörtímabil, stígur til hliðar og situr í 18. sæti listans.
Nýr oddviti listans er Valgarður Lyngdal Jónsson bæjarfulltrúi og nýir frambjóðendur í 2. og 3. sæti eru þær Gerður Jóhannsdóttir héraðsskjalavörður og Bára Daðadóttir félagsráðgjafi.
Næstu þrjú sæti þar á eftir skipa þau Kristinn Hallur Sveinsson landfræðingur, Guðjón Viðar Guðjónsson rafvirki og Ása Katrín Bjarnadóttir, nemi í umhverfisskipulagi.