Vilja gera sérstakan samning við kennara
Setja bókamerki
Viðreisn ætlar að bregðast við flótta úr kennarastéttinni með því að gera sérstakan kjarasamning við kennara Reykjavíkurborgar. Þetta var meðal þess sem kom fram þegar stefna Viðreisnar í Reykjavík fyrir sveitastjórnarkosningar var kynnt í dag.
Flokkurinn leggur áherslu á að fjölbreytt dagvistunarúrræði standi börnum til boða þegar fæðingarorlofi lýkur. Opnun ungbarnadeilda verður sett í forgang og segir Viðreisn að það þurfi að hækka greiðslur til dagforeldra.
Flokkurinn vill að ný hverfi rísi við Elliðaárvog, í Ártúnshöfða og á Keldum og eiga þau að tengjast fyrsta áfanga Borgarlínu. Auk þess eigi að ljúka við uppbyggingu íbúðahverfis í Úlfarsárdal með þeim hætti að hverfið verði sjálfbært hvað varðar þjónustu auk þess sem ljúka þarf sem fyrst uppbyggingu skóla og íþróttamannvirkja í hverfinu. Áfram verður unnið að þéttingu byggðar innan borgarinnar.
Viðreisn hvetur til orkuskipta í bílaflota til að mynda með áframhaldandi bílastæðafríðindum fyrir vistvæna bila. Flokkurinn vill bæta almenningssamgöngur og styður uppbyggingu Borgarlínu.
Nánar má sjá um stefnu Viðreisnar hér.
Búið að bólusetja börn alla helgina
„Þetta náttúrulega endar með ósköpum“
Íslendingar ein mest einmana þjóð heims
Myndir: Reynir við heimsmet í Hlíðarfjalli í dag
Hernaðaraðstoð samþykkt – Vopnasendingar í vikunni
Tapa fimm milljónum á dag
Áköf mótmæli í bandarískum háskólum