Óbreytt staða eftir endurtalningu
Frá Eskifirði í Fjarðabyggð.
mbl.is/Sigurður Bogi Sævarsson
Setja bókamerki
Fjöldi bæjarfulltrúa í Fjarðabyggð er óbreyttur eftir endurtalningu atkvæða. Þetta staðfestir fulltrúi yfirkjörstjórnar í samtali við mbl.is.
Umboðsmönnum allra framboðanna í bæjarfélaginu var í dag gefinn kostur á að skoða og telja kjörseðlana úr kosningunum í gær þar sem aðeins munaði einu atkvæði að meirihluti Sjálfstæðisflokksins og Framsóknarflokksins héldi velli. Sjálfstæðismenn fengu tvo fulltrúa nú en þrjá fyrir fjórum árum.
Reyndist allt rétt talið. Athugasemd var gerð við eitt atkvæði til D-lista Sjálfstæðisflokksins sem var úrskurðað ógilt. Það breytti engu um úthlutun sæta í bæjarstjórn.
Ógilda atkvæðið þýðir að tvö atkvæði vantaði til þess að meirihlutinn héldi í stað eins.
„Mér finnst Halla Hrund svona Vigdísarleg“
Búið að bólusetja börn alla helgina
Íslendingar ein mest einmana þjóð heims
„Þetta náttúrulega endar með ósköpum“
Hönnun sem bætir líf manna
Moses Hightower og Prins Póló gefa út eyjalag