Misjafnar kröfur eru gerðar til tilvonandi bæjar- og sveitarstjóra þeirra fjórtán sveitarfélaga sem auglýsa nú stöðuna. Í auglýsingunum kemur fram að háskólamenntun er til dæmis ekki alltaf skilyrði.
„Starfs- og hæfniskröfur skipta ekki eins miklu máli og við myndum ætla þegar kemur að því að ráða sveitarstjóra,“ segir Eva Marín Hlynsdóttir, lektor í stjórnmálafræði við HÍ í umfjöllun um mál þetta í Morgunblaðinu í dag.
„Í Noregi er skýrt hvað sveitarstjórar eiga að gera. Hér er þetta ekki svona aðskilið og óljósari mörk á milli,“ segir Eva. „Bæjarstjórinn heyrir undir sveitarstjórnina, ef hún er ekki sátt við hann getur hún bara látið hann fara.“