Bjarni Benediktsson, fjármálaráðherra og formaður Sjálfstæðisflokksins, greiddi í morgun atkvæði í Mýrinni í Garðabæ. Bjarni vonast til að flokkurinn uppskeri meira en kannanir hafa sýnt.

„Mér finnst fyrsta skrefið vera að sjá hvort stjórnin haldi velli og hvort við finnum flöt á því að ræða saman. Það er svona næsti leikur,“ segir Bjarni í samtali við blaðamann mbl.is eftir að hafa kosið í Garðabæ í morgun.

Kosningakaffi víða í kjördæminu

Bjarni vonast til að flokkurinn uppskeri meira en kannanir hafa sýnt. 

„Ég held að þetta verði óhemju spennandi kosningar. Fylgið er á hreyfingu og það hefur verið að hreyfa sig í átt að stuðningi við okkur í auknum mæli og við vonumst til að það haldi áfram og flæði inn á þennan dag og við uppskerum meira en síðustu kannanir hafa sýnt,“ segir Bjarni.

Spurður hvernig dagskráin verði í dag segir Bjarni hana vera hefðbundna. „Við erum með kosningakaffi víða í kjördæminu og munum fara á milli staða til að heilsa upp á okkar fólk og þakka öllum sem hafa tekið þátt í baráttunni fyrir þeirra framlag.“

Kjörseðill. mbl.is/Árni Sæberg

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt