Ríkisstjórn Sjálfstæðisflokks, Framsóknarflokks og Vinstri grænna naut 62,5% fylgis í Suðvesturkjördæmi eftir að fyrstu tölur bárust úr kjördæminu. Eftir nýjustu tölur er samanlagt fylgi flokkanna í kjördæminu 67,9%.
Aðeins fjórir þingmenn af þrettán, sem kjörnir verða í kjördæminu eins og tölur líta út núna, eru ekki í ríkisstjórnarflokkunum þremur.
Þegar á heildina er litið lítur út fyrir að ríkisstjórnin bæti við sig þremur þingmönnum, þökk sé fylgisaukningu Framsóknar upp á fimm þingmenn, og það þrátt fyrir að Vinstri græn missi tvö þingsæti.
En það er að því gefnu að engar vendingar verði, og enn er fjöldi atkvæða ótalinn.