Stolt af því að hafa haldið velli í „flokkakraðaki“
Ragnhildur Þrastardóttir
Setja bókamerki
Halldóra Mogensen, þingflokksformaður Pírata, segir að þó það séu vonbrigði að hafa ekki náð inn þingmönnum utan af landi sé það fagnaðarefni að flokkurinn hafi óvænt náð inn þremur þingmönnum í Reykjavíkurkjördæmi norður, þeirra á meðal af yngsta þingmanni sögunnar.
Flokkurinn fundar nú innbyrðis um næstu skref en Halldóra segist telja að boltinn sé hjá ríkisstjórnarflokkunum hvað stjórnarmyndunarviðræður varðar.
„Auðvitað eru það vonbrigði að við náðum ekki neinum þingmönnum utan af landi inn og misstum þingmanninn okkar á Suðurlandi. Í staðinn enduðum við algjörlega óvænt með þrjá í Reykjavík norður og hún Lenya Rún er náttúrulega yngst til þess að komast á þing svo það eru geggjaðar fréttir. Svo erum við bara stolt af því að hafa haldið velli í þessu flokkakraðaki. Það eru svo margir flokkar að bjóða sig fram,“ segir Halldóra í samtali við mbl.is.
Fjöldi kvenna „gríðarlega mikið fagnaðarefni“
Fjöldi kvenna á þingi er nú í sögulegum hæðum en hlutfallið hefur aldrei verið jafn hátt á nokkru þingi í gjörvallri Evrópu. Konur eru eftir alþingiskosningarnar í gær 52,38% þingmanna. Halldóra segir þetta „gríðarlega mikið fagnaðarefni.“
„Við horfum bara á ljósu punktana í þessu öllu saman,“ segir Halldóra en fylgi flokksins haggaðist varla á milli kosninga og stóð þingmannafjöldinn algjörlega í stað en þingmenn Pírata eru sex talsins.
Sárt að horfa upp á illa meðferð fjármuna
Hyggjast leyfa fólki að skoða gosið
Hafa samþykkt kaup fyrir um 9,2 milljarða
Gerir ráð fyrir 150 samningum í næstu viku
Kveðst tala af virðingu: „Ég er enginn dóni“
29 nautgripir fundust dauðir
Ísraelar hefna árásarinnar