Úrslit alþingiskosninga virtust koma ýmsum á óvart og var þá jafnan vísað til kannana í liðinni viku, sem sýndu að ríkisstjórnarmeirihlutinn væri fallinn. Þær kannanir sýndu hins vegar aðeins hvernig staðan var á hverjum tíma og drógu ekki fram hvert óákveðnir leituðu.

Fylgishreyfingar í lokavikunni gáfu hins vegar skýrt til kynna hvert stefndi. Til hliðar gefur að líta fylgisþróun hvers flokks í þremur síðustu könnunum MMR, sem teknar voru í lokavikunni fyrir kosningar, auk kosningaúrslita. Þar má yfirleitt greina þær hreyfingar á fylgi, sem á daginn komu í talningunni.

Þannig virðist fylgi Sjálfstæðisflokks haldið áfram að aukast línulega fram á kjördag, en fylgisaukning Framsóknar hélt áfram þótt hún hægði ögn á sér. Helstu undantekningar eru Viðreisn, sem virðist hafa fatast flugið á lokametrunum, og Vinstri græn, sem augljóslega áttu inni um 3,5% umfram það sem kannanir gáfu til kynna.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir