Nú þegar niðurstöður kosninganna liggja fyrir má sjá hvort útstrikanir hafi haft áhrif á lista þingflokka.
Í Suðurkjördæmi var oftast strikað yfir nafn Ásmundar Friðrikssonar, sem skipaði þriðja sæti á lista Sjálfstæðisflokksins í kjördæminu, eða 156 sinnum sem jafngildir 2,14% kjósenda flokksins.
Mun oftar var strikað yfir nafn Ásmundar en nokkurs annars þingmanns í kjördæminu en á eftir honum kemur Vilhjálmur Árnason, sem skipaði annað sæti á lista Sjálfstæðisflokksins. 38 sinnum var strikað yfir nafn hans sem jafngildir 0,52% kjósenda flokksins.
Þar á eftir kemur Guðrún Hafsteinsdóttir, sem skipaði fyrsta sæti á lista Sjálfstæðisflokksins í kjördæminu, en 28 sinnum var strikað yfir nafn hennar sem jafngildir 0,38% kjósenda flokksins.
17 sinnum var strikað yfir nafn Sigurðar Inga Jóhannssonar samgöngu- og sveitarstjórnarráðherra, sem skipaði efsta sæti á lista Framsóknarflokksins í kjördæminu, sem jafngildir 0,24% kjósenda flokksins.
Til þess að fella mann í fyrsta sæti niður um sæti þurfa 25% kjósenda að strika út nafn hans, hlutfallið fyrir annað sætið er 20% og fyrir þriðja sætið er það 14,3%.
Hér má sjá listann í heild sinni.