Lenya Rún Taha Karim, fram­bjóðandi sem skipaði þriðja sæti á lista Pírata í Reykja­vík­ur­kjör­dæmi norður í alþing­is­kosn­ing­um, gagnrýnir Jóhann Pál Jóhannsson, nýkjörinn þingmann Samfylkingarinnar, fyrir ummæli hans sem birtust í Morgunblaðinu í dag.

Jóhann Páll, sem komst inn eftir að talið var aftur í Norðvesturkjördæmi, á sama tíma og Lenya Rún datt út, sagðist aðspurður sjá tvo möguleika í stöðunni sem uppi er eftir kosningarnar.

Ann­ars veg­ar að það verði upp­kosn­ing í Norðvest­ur­kjör­dæmi eða þá að loka­taln­ingin gildi.

Sjálf skilaði Lenya inn kæru til kjör­bréfa­nefnd­ar Alþing­is í síðustu viku vegna kosninganna.

Frétt af mbl.is

Lenya skilar kæru til kjörbréfanefndar

Ekki í stöðunni að fyrri talning verði látin gilda

„Mér sýn­ist, ef maður skoðar bæði lög­in um kosn­ing­ar til Alþing­is og horf­ir raun­sætt á póli­tísku stöðuna, að val­mögu­leik­arn­ir séu helst tveir. Annaðhvort verði farið í upp­kosn­ingu í Norðvest­ur­kjör­dæmi - það er það sem lög­in gera ráð fyr­ir ef mis­brest­irn­ir eru svo mikl­ir að Alþingi telji að það eigi að ógilda kosn­ing­una - eða þá að loka­taln­ing­in, sem yf­ir­stjórn­in í Norðvest­ur skilaði af sér, gildi,“ sagði Jóhann Páll.

„Verk­efni kjör­bréfa­nefnd­ar sam­kvæmt þing­skap­a­lög­um er að rann­saka þau kjör­bréf sem gef­in hafa verið út og svo tek­ur Alþingi í heild af­stöðu til þess hvort þing­menn séu lög­lega kosn­ir, sam­an­ber 46. grein stjórn­ar­skrár.“

Þá sagðist hann ekki sjá í stöðunni að fyrri taln­ing í Norðvest­ur­kjör­dæmi verði lát­in gilda.

„Ég hef ekki séð skyn­sam­leg lagarök fyr­ir því að það verði tekið fram fyr­ir hend­ur yfir­kjör­stjórn­ar og töl­ur sem voru til­kynnt­ar fyrr í taln­ing­ar­ferl­inu í Norðvest­ur­kjör­dæmi látn­ar gilda, ég sé ekki að það geti orðið niðurstaðan.“

Bætti hann við að hann sæi ekki fyr­ir sér að kosn­ing­arn­ar yrði dæmd­ar ógild­ar á landsvísu.

Frétt af mbl.is

Skiptar skoðanir um endurtalninguna

Seinni tölur byggist á spilltum kjörgögnum

Lenya Rún virðist taka þetta óstinnt upp, eða eins og hún orðar það í tísti nú fyrir hádegi:

„Þingmaður sem komst inn á seinni tölum í NV-kjördæmi sér bara tvennt í stöðunni: uppkosning eða seinni tölur. Seinni tölur byggja augljóslega á spilltum kjörgögnum - er það svona sem [Jóhann Páll] ætlar að byrja baráttu gegn spillingu og óheiðarleika á þingi?“ spyr Lenya.

Jóhann Páll svarar fyrir sig:

„Ég bendi á að þetta eru möguleikarnir sem kosningalög og þingsköp gera ráð fyrir, ég styðji kæru vegna framkvæmdar í NV og það geti vel farið svo að ég greiði atkvæði gegn lögmæti eigin kosningar. Spillt eða óheiðarlegt? Verður bara hver að dæma fyrir sig.“

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt