Þingflokkar Vinstri grænna, Framsóknarflokksins og Sjálfstæðisflokksins funda allir klukkan ellefu í dag um ráðherraskipan nýrrar ríkisstjórnar. Klukkan eitt verður blaðamannafundur á Kjarvalsstöðum þar sem formenn flokkanna þriggja munu kynna og undirrita nýjan stjórnarsáttmála.

Forseti Íslands mun skipa nýtt ráðuneyti Katrínar Jakobsdóttur á fundi ríkisráðs Íslands sem hefst klukkan fjögur í dag en núverandi ráðuneyti Katrínar verður veitt lausn frá störfum á fundi ráðsins sem hefst klukkan þrjú.

Frétt af mbl.is

Ríkisstjórnarmyndun samþykkt af öllum flokkum

Frétt af mbl.is

Framsókn stýri heilbrigðisráðuneytinu

Getur ekki staðfest ráðherravalið

Að sögn Birgis Ármannssonar, formanns þingflokks Sjálfstæðisflokksins, fundar Sjálfstæðisflokkurinn í Valhöll og verður um staðfund að ræða. Staðfestir Birgir að á fundinum verður tekin endanleg ákvörðun um hvaða embætti hver gegnir. Hann gat þó ekki staðfest hvaða ráðuneyti flokkurinn hefði fengið.

„Ég ætla ekkert að staðfesta um það, það kemur bara í ljós á eftir,“ segir Birgir.

Vinstri græn funda í þingflokksherbergi sínu í þinghúsinu, að sögn Bjarkeyjar Olsen Gunnarsdóttur, formanns þingflokks Vinstri grænna. Sagði Bjarkey að á fundinum yrði rætt um „ráðherraskipan og annað slíkt sem svona fundir ganga út á eftir að stjórnarsáttmálar hafa verið samþykktir.“

Frétt af mbl.is

Flokks­stofn­an­ir funda um stjórnarsáttmálann

Bjarkey gat ekki staðfest hverjir myndu koma til með að gegna hvaða embætti í ríkisstjórninni.

„Ég veit ekki enn hverjir koma til með að gegna embætti, það kemur bara í ljós á eftir, það var ekki rætt neitt svoleiðis hjá okkur í gær,“ segir Bjarkey.

Grjóthörð á því að láta ekkert leka

Flokksráð Vinstri Grænna fundaði í gær og var þá stjórnarsáttmálinn ræddur. „Við erum alveg grjóthörð á því að láta ekkert leka út frá okkur hvað varðar það sem í honum stendur,“ segir Bjarkey.

„Við fórum alveg í gegnum hann í gær og það var það sem við vorum að samþykkja, við vorum í rauninni ekki að samþykkja neina ráðherraskipan eða neitt því það gerir bara þingflokkur,“ segir Bjarkey.

Þingflokkur Framsóknar fundar líkt og þingflokkur Vinstri Grænna klukkan ellefu í þinghúsinu um ráðherraval. Að sögn Ingveldar Sæmundsdóttur, aðstoðarmanns Sigurðar Inga Jóhanssonar, formanns Framsóknarflokksins, verður þó ekkert hægt að gefa upp um ráðherraskipan fyrr en síðar í dag.  

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt