Alþýðusamband Íslands gerir þó nokkrar athugasemdir við stjórnarsáttmála og segir það sérstaklega valda það vonbrigðum að loforð sem gefin voru í tengslum við kjarasamningana 2019 eru endurunnin og útþynnt í sáttmálanum.

„Í nýjum stjórnarsáttmála, sem gefinn er út þegar verðbólga er mikil og erfiðar aðstæður á húsnæðismarkaði, er lögð áhersla á að vaxa út úr kreppunni í stað þess að auka álögur. Minna fer fyrir þeim ásetningi að verja opinbera velferðarkerfið og mæta langtímaáskorunum sem felast í húsnæðisvanda, öldrun þjóðar og að styrkja tekjustofna til framtíðar,“ segir í tilkynningu frá sambandinu.

Þá segir að hvergi sé minnst á að styrkja atvinnuleysistryggingakerfið, setja á leigubremsu á leigumarkað, styrkja vaxtabótakerfið eða skilgreina hlutfall íbúðabygginga á félagslegum grunni.

Frétt af mbl.is

Ætlar að bæta kjör og stöðu aldraðra og öryrkja

Miðstjórn ASÍ segist þó fagna því að nú sé kominn til starfa félags- og vinnumarkaðsráðherra en Guðmundur Ingi Guðbrandsson mun gegna því embætti.

Tengdar fréttir

Alþingiskosningar 2021

Stjórnvöld þurfi að axla ábyrgð

• Vorum kannski ekki bara „hrópandi í eyðimörkinni“
• Íslenska ríkið dæmt brotlegt
• Engin sáttatilboð hafi verið lögð fram
• Sáttatilboðin óásættanleg

» Fleiri tengdar fréttir

• Blogga um frétt