Meta ekki fullyrðingu um fölsun
Setja bókamerki
Ábyrgðarmenn framboðsins Reykjavík, besta borgin, segjast ekki vera í aðstöðu til að meta fullyrðingu um fölsun undirskriftar Birgittu Jónsdóttur, fyrrverandi þingmanns Pírata, á þessari stund, að því er kemur fram í yfirlýsingu.
Birgitta greindi frá því í facebook-færslu fyrr í dag að undirskrift hennar hefði verið fölsuð á skjali sem varðaði heimild til að setja nafn hennar á lista framboðsins til borgarstjórnar. Birgitta sagðist orðlaus vegna þessa verknaðar.
Undir yfirlýsinguna skrifa Gunnar H. Gunnarsson oddviti listans, Guðmundur Óli Scheving og Örn Sigurðsson. Þeir segjast harma þá umræðu sem komin er upp um óánægju aðila í 24. sæti með setu á framboðslistanum og um fullyrðingar þess aðila um fölsun undirskriftar. Birgitta situr í 24. sæti listans.
„Óánægja þessa aðila kemur okkur á óvart og þykir okkur mjög miður,“ segir í yfirlýsingunni.
Stóðu í þeirri trú að listarnir væru réttir
Þá segir að rannsókn standi nú yfir innan framboðsins á meðferð gagna í aðdraganda að skilum á annars vegar lista yfir meðmælendur og hins vegar á listum yfir frambjóðendur. „Við höfum staðið í þeirri góðu trú að listarnir séu réttir.“
Bent er á í yfirlýsingunni að yfirkjörstjórn hafi úrskurðað að framboðið Reykjavík, besta borgin, sé gilt. Eva Bryndís Helgadóttir, formaður yfirkjörstjórnar, sagði í samtali við mbl.is að framboð Birgittu væri gilt og að listinn stæði þrátt fyrir meinta fölsun.
/frimg/1/34/12/1341257.jpg)
„Framboðið mun því halda áfram að kynna málefnin og taka þátt í kosningabaráttunni. Við munum leggja okkur fram um að eiga gott samstarf við Yfirkjörstjórn Reykjavíkur,“ segir að lokum í yfirlýsingunni.
Kveðst tala af virðingu: „Ég er enginn dóni“
Ísraelar hefna árásarinnar
Stóraukið fé til samgöngusáttmála
Starfsfólk gæti fengið reikning frá Skattinum
Markaðurinn hitnar og leiguverð hækkar hratt
Benda á Samgöngustofu sem bendir út í heim
Fjárfestingin 115 milljarðar króna