Þóra Birna Ingvarsdóttir
Fimm prósent Reykvíkinga, sem þreytt hafa kosningapróf Rúv, samsvara sér best með Aðalsteini Hauki Sverrissyni.
Aðalsteinn situr í fjórða sæti á lista Framsóknarflokksins í Reykjavík, af svöruninni að dæma mætti velta því fyrir sér hvort kjósendur vilji hafa hann ofar.
Í kosningaprófi Rúv fyrir sveitarstjórnarkosningarnar má sjá, hjá hve stórum hluta svarenda, hver og einn frambjóðandi reynist efstur, þ.e. mesta samræmið milli svara viðkomandi frambjóðanda og þess sem þreytir prófið.
Aðalsteinn Haukur Sverrisson er í efsta sæti hjá fimm prósent þeirra sem hafa tekið kosningaprófið, þegar þessi frétt er skrifuð.
Næstur á eftir honum eru þeir Gísli Sigurjón Brynjólfsson, einnig framsóknarmaður, Helgi Örn Viggósson, fyrir Ábyrga framtíð og Skúli Helgason á lista Samfylkingarinnar, en þeir eru í efsta sæti hjá tveimur prósentum svarenda.
Þannig nýtur Aðalsteinn töluverðrar sérstöðu hvað varðar sammæli með kjósendum.