Einar segist ekki hafa rætt við neinn

Einar Þorsteinsson.
Einar Þorsteinsson. mbl.is/Eggert Jóhannesson

Einar Þorsteinsson, oddviti Framsóknarflokksins í Reykjavík, kveðst ekki hafa átt í neinum samræðum við oddvita annarra flokka í borgarstjórnarkosningum, um meirihlutasamstarf á komandi kjörtímabili.

Neitaði hann því, aðspurður í umræðuþætti ríkisútvarpsins í nótt.

Sagði hann sín fyrstu símtöl myndu verða til að taka á móti árnaðaróskum.

Miðað við fyrstu tölur stefnir í að Framsóknarflokkur fái fjóra fulltrúa í borgarstjórn. Þá á flokkurinn næsta mann inn í borgarstjórn, á kostnað Pírata, bæti flokkurinn við sig 200 atkvæðum umfram Pírata.

mbl.is