Vonar að viðræður taki ekki of langan tíma
Setja bókamerki
Viðræður um áframhaldandi meirihlutasamstarf Sjálfstæðiflokksins og Framsóknarflokksins í Hafnarfirði hófust í gær en flokkarnir eru samanlagt með sex fulltrúa af ellefu í bæjarstjórn.
Fyrir kosningarnar lá fyrir að meirihlutinn myndi hittast og ræða saman að því gefnu að hann myndi halda velli, sem hann svo gerði.
Sjálfstæðisflokkurinn missti að vísu bæjarfulltrúa og fór úr fimm í fjóra, en Framsóknarflokkurinn bætti við sig, líkt og víða annars staðar um landið, og fór því úr einum í tvo.
Þá fékk Samfylkingin fjóra fulltrúa kjörna og Píratar einn.
Er Framsóknarflokkurinn talinn vera í lykilstöðu í viðræðum um meirihlutasamstarf.
Breytt landslag
Valdimar Víðisson, nýr oddviti Framsóknar, segir breytt hlutföll í bæjarstjórn hafa áhrif á landslagið en að lítið sé að frétta af viðræðum, enda hófust þær bara í gær.
Þá telur hann ekki tímabært að ræða opinberlega um bæjarstjórastólinn eða um skiptingar innan bæjarstjórnar.
„Við erum bara enn í samtalinu og erum bara að halda því að okkur, allavega þessa daga. Við vonum að þetta taki ekkert alltof langan tíma.“
Kveðst tala af virðingu: „Ég er enginn dóni“
Innviðir þandir og álagið „gríðarlegt“
Benda á Samgöngustofu sem bendir út í heim
Markaðurinn hitnar og leiguverð hækkar hratt
„Þögnin er ærandi“
Starfsfólk gæti fengið reikning frá Skattinum