Halda áfram án Vina Mosfellsbæjar

Ekki var til staðar sá samhljómur sem oddvitar Framsóknar, Samfylkingar og Viðreisnar telja nauðsynlegan og verður því meirihlutaviðræðum í Mosfellsbæ haldið áfram án Vina Mosfellsbæjar. Þetta kemur fram í tilkynningu frá oddvitunum.

Meirihlutaviðræður Framsóknar, Viðreisnar og Samfylkingarinnar héldu áfram í dag og hafa gengið vel.

Frétt af mbl.is

Viðræðum Framsóknarlokks og Vina Mosfellsbæjar slitið

Vonast Halla Karen Kristjánsdóttir oddviti Framsóknar, Lovísa Jónsdóttir oddviti Viðreisnar og Anna Sigríður Guðnadóttir oddviti Samfylkingar til þess að geta átt gott samstarf á komandi kjörtímabili við alla flokka, til hagsbóta fyrir alla Mosfellinga.

Greint var frá því að viðræður þessara framboða ásamt Vinum Mosfellsbæjar myndu hefjast í dag en nú er ljóst að síðastnefnda framboðið verður ekki með.

• Blogga um frétt