„Það var miklu meira en bara eitthvað eitt“
Setja bókamerki
„Það var miklu meira en bara eitthvað eitt,“ segir Halla Karen Kristjánsdóttir, oddviti Framsóknar í Mosfellsbæ um þau málefni sem meirihlutasamstarf við Vini Mosfellsbæjar strandaði á. Meirihlutasamstarfi í bæjarfélaginu var slitið í dag.
„Það var ekki nógu góður samhljómur okkar á milli. Við ákváðum að fara upp með þessa fjóra flokka og langaði til þess að það myndi ganga upp en svo sáum við að það var ekki alveg að ganga. Við ákváðum þá að halda áfram með Samfylkingunni og Viðreisn og að sleppa þeim [Vinum Mosfellsbæjar],“ segir Halla Karen í samtali við mbl.is.
Ekki allt í klessu
Halla Karen vildi ekki tjá sig um sérstök málefni sem viðræðurnar hafi strandað á.
„Nei það var ekki eitthvað eitt. Það var miklu meira en bara eitthvað eitt, en ég get bara ekki tjáð mig um það. Margir halda að nú sé allt í klessu en það er það ekki. Viðræður gengu mjög vel í dag,“ segir Halla Karen.
Hún heldur að viðræðurnar nái að komast langt á morgun en hún fundaði í dag ásamt Viðreisn og Samfylkingu.
Baldur: „Ég ætla að svara þessu kalli“
Sáttur við sína stöðu og finnur fyrir meðbyr
/frimg/1/48/63/1486389.jpg)
Halla ekki verið að taka harða afstöðu
Íslendingar ein einmanalegasta þjóð í heimi
„Mér finnst Halla Hrund svona Vigdísarleg“
Mest spennandi kosningar í áratugi
Tæknideild komin norður vegna andlátsins