Allir að tala við alla á Akureyri
Ragnhildur Þrastardóttir
Setja bókamerki
Meirihlutaþreifingar vegna bæjarstjórnarsamstarfs á Akureyri eru í fullum gangi eftir að viðræðum þar var slitið í annað sinn.
Samfylkingin sleit viðræðum við Framsóknarflokk, Sjálfstæðisflokk og Miðflokk í morgun.
/frimg/1/34/28/1342895.jpg)
„Það eru allir að tala við alla,“ segir Sunna Hlíf Jóhannesdóttir, oddviti Framsóknar, í samtali við mbl.is. Hún vildi ekki gefa út frekari upplýsingar um stöðuna.
Fyrst fóru formlegar meirihlutaviðræður fram á Akureyri á milli Sjálfstæðisflokks, Framsóknar og Bæjarlistans skömmu eftir kosningar. Viðræðurnar komust í fjölmiðla þegar þeim var slitið 17. maí og bæjarfulltrúi Bæjarlistans sagði að Framsókn og Sjálfstæðisflokkur hefðu ráðist í viðræður við Miðflokk og Samfylkingu á bak við Bæjarlistann.
Úti um BDSM en ýmislegt annað í boði
„Kjósendur eru klárlega ekki að fá það sem þeir vilja,“ sagði Hulda Elma Eysteinsdóttir, bæjarfulltrúi Bæjarlistans, í samtali við mbl.is eftir það.
Bæjarlistinn fékk flesta fulltrúa inn í bæjarstjórn eða þrjá en Sjálfstæðisflokkur og Framsókn fengu einn fulltrúa hvor. Þá fengu Flokkur fólksins, Miðflokkurinn, Samfylkingin og Vinstri græn einn fulltrúa á mann. Því er ljóst að ýmsir möguleikar eru á borðinu hvað varðar meirihlutamyndun þó að svokölluð BDSM-bæjarstjórn hafi verið slegin út af borðinu, mörgum spéfuglinum eflaust til ama.
Búið að bólusetja börn alla helgina
Sáttur við sína stöðu og finnur fyrir meðbyr
Áverkar bentu til manndráps
Áköf mótmæli í bandarískum háskólum
Fara ekki lengur fram á einangrun yfir Davíð
Mest spennandi kosningar í áratugi
Lögreglan rannsakar andlát konu í fjölbýlishúsi
„Þetta er pínu óvanaleg staða“