Framsóknarflokkurinn og Sjálfstæðisflokkurinn í Húnaþingi vestra undirrituðu í gærkvöldi formlegan málefnasamning um samstarf í sveitarstjórn. 

„Samningurinn tiltekur helstu framkvæmdir sem listarnir eru sammála um að setja á oddinn á kjörtímabilinu og þau málefni sem unnið verður að á ýmsum sviðum sveitarfélagsins. Einnig er lögð rík áhersla á þau mál er varða samskipti sveitarfélags, ríkis og innviðafyrirtækja. Þar er undirstrikað mikilvægi þess að staðið verði við þær skuldbindingar af hálfu hins opinbera, sem þegar hafa verið gefnar, og bætt verði úr í þeim málum og málaflokkum sem út af hafa staðið,“ segir í fréttatilkynningu um málið. 

Þorleifur Karl Eggertsson, oddviti Framsóknar, verður oddviti sveitarstjórnar en Magnús Magnússon, oddviti Sjálfstæðisflokks, verður formaður byggðarráðs. Leggja flokkarnir áherslu á að ráðning sveitarstjóra fari fram með faglegum hætti. 

Tengdar fréttir

Sveitarstjórnarkosningar 2022

Gunnar Axel ráðinn bæjarstjóri Voga

• Þórdís Sif nýr bæjarstjóri Vesturbyggðar
• Sveitarstjórar sóttu um stöðu sveitarstjóra
• Nýr sveitarstjóri ekki á meðal umsækjenda
• Katrín nýr sveitarstjóri Norðurþings

» Fleiri tengdar fréttir

• Blogga um frétt