„Kýrnar geta ekki verið án rafmagns!“

Rafmagn er lífæð nútímans hvort sem það þjónar heimilum, fyrirtækjum eða fjósum. Þegar rafmagnið bregst, stöðvast allt. Það vita kúabændur manna best – því kýrnar geta ekki verið án rafmagns frekar en við hin.

Jón Axel Ólafsson, eigandi Bluetti á Íslandi, segir mikilvægt að horfa bæði fram á veginn og undirbúa sig fyrir það ófyrirséða. „Við þurfum að búa okkur undir hnökra í orkukerfinu, sérstaklega í ljósi hamfara og álags á innviðum,“ segir hann og bætir við að þess vegna hafi bændur tekið af skarið og komið sér upp öflugu varaafli frá Bluetti. 

Einn þeirra er Halldór Örn Árnason, bóndi á Grund í Eyjafirði. Hann valdi BLUETTI EP2000, þriggja fasa varaorkukerfi sem tryggir að mjaltakerfi búsins gangi hnökralaust, jafnvel þótt rafmagn fari af. „Kerfið tekur við á sekúndubroti þegar landskerfið gefur sig og heldur öllum kerfum gangandi þar til rafmagnið kemur aftur á,“ útskýrir Jón Axel.

„Kerfið er viðhaldsfrítt, einfalt í uppsetningu og stækkanlegt allt að 155 kWs. Þá er það einnig tilbúið fyrir sólarorku, sem gerir notendum kleift að spara bæði raforku og peninga,“ segir hann. 

„Við þurfum að búa okkur undir hnökra í orkukerfinu, sérstaklega í ljósi hamfara og álags á innviðum,“ segir Jón Axel í viðtalinu. Ljósmynd/Aðsend

Frelsi, öryggi og sjálfbærni í senn

Bluetti-orkubankarnir hafa vakið mikla athygli fyrir áreiðanleika og fjölbreytta notkun. Þeir veita bæði frelsi og öryggi – hvort sem það er fyrir iðnaðarmenn á fjarlægum vinnustöðum, ferðafólk á leið um hálendið eða heimili og fyrirtæki sem vilja tryggja sér sjálfstæða orku.

„Bluetti er bylting í því hvernig við hugsum um orku,“ segir Jón Axel. „Rafmagnið er orðið jafn sjálfsagt og vatnið – og það er bylting að geta tekið það með sér hvert á land sem er og ekki síst að geta aflað orku frá sólinni og jafnvel selt afgangsorku inn á landskerfið. Bluetti hefur öll þessi kerfi tilbúin.“

Búnaðurinn nýtir háþróaðar LiFePO4-rafhlöður, sem þekktar eru fyrir langan endingartíma og öryggi, jafnvel í íslenskum vetrarkulda. „Hvort sem það er til að hlaða símann, fartölvuna, rafmagnshjólið, drónann eða keyra kaffivélina í húsbílnum – þá sér Bluetti um orkuna,“ bætir hann við. „Og þegar rafmagnið bregst, þá fyrst finnum við hversu háð við erum því.“

Kerfið er viðhaldsfrítt, einfalt í uppsetningu og stækkanlegt allt að 155 kWs. Þá er það einnig tilbúið fyrir sólarorku, sem gerir notendum kleift að spara bæði raforku og peninga. Ljósmynd/Aðsend

Fyrir heimili, fyrirtæki og ferðalög

Bluetti býður upp á fjölbreytt úrval varaaflskerfa – frá litlum hleðslustöðvum fyrir útilegur og sumarhús, upp í 5.000 W orkubanka fyrir heimili, fyrirtæki og búrekstur. Stærri kerfin má stækka allt að 18.300 kWh upp í 155 kWh, svo auðvelt er að laga lausnirnar að þörfum hvers notanda.

„Við leggjum áherslu á einfaldleika, áreiðanleika og sveigjanleika,“ segir Jón Axel. „Við viljum að notendur upplifi hugarró – að vita að rafmagnið sé tryggt, hvar sem þeir eru staddir.“

Kynning á Iðnaðarsýningunni 2025

Bluetti er kynnt á Iðnaðarsýningunni í Laugardalshöll 2025, þar sem gestir geta séð orkubankana í notkun, fengið ráðgjöf og upplifað kraftinn í þessari nýju tækni.

„Við hvetjum alla – bændur, iðnaðarmenn og heimilisfólk – til að koma og kynna sér Bluetti. Við erum stolt af því að flytja inn búnað sem eykur öryggi og einfaldar lífið. Það er nefnilega mottó dagsins: Einfaldara líf – öruggara líf,“ segir Jón Axel Ólafsson að lokum. 

Nánari upplýsingar má finna á bluetti.is

Jón Axel hvetur alla - bændur, iðnaðarmenn og heimilisfólk, til að koma og kynna sér Bluetti á Iðnaðarsýningunni í Laugardalshöll 2025, sem nú stendur yfir. mbl.is/Eyþór

• Blogga um frétt