Heimilisofbeldi

Heimilisofbeldi er þjóðfélagsmein sem hefur gríðarleg áhrif á þá sem fyrir því verða; konur, karla og börn. Konur eru oftast þolendur heimilisofbeldis, en íslensk könnun frá 2010 leiddi í ljós að um 22% kvenna sögðust einhvern tíma á ævinni hafa verið beittar ofbeldi af maka eða fyrrverandi maka. 1,6% kvenna, sem eru um 1.800 konur, voru beittar ofbeldi á árinu 2009.

Landsréttur staðfestir nálgunarbann

6.9. Landsréttur hefur staðfest úrskurð Héraðsdóms Reykjavíkur um að karlmaður skuli sæta nálgunarbanni gagnvart eiginkonu sinni og ólögráða dóttur fram til 27. október næstkomandi. Svæðið afmarkast við 50 metra radíus frá miðju heimilis þeirra. Meira »

Svo sturlaður að hún þekkti ekki röddina

8.6. „Ástandið var orðið stjórnlaust,“ sagði Jenný Kristín Valberg í erindi sínu á málþingi sem Bjarkarhlíð og Kvennaathvarfið stóðu fyrir í vikunni. Jenný Kristín flúði heimili sitt vegna ofbeldis sem hún sætti af hendi fyrrverandi sambýlismanns síns og barnsföður. Meira »

12 mánaða fangelsi fyrir heimilisofbeldi

7.6. Maður var í dag dæmdur í 12 mánaða fangelsi í Héraðsdómi Vesturlands fyrir alvarlega líkamsárás gegn sambýliskonu sinni og barnsmóður. Brotin áttu sér stað á heimili þeirra. Meira »

„Ég er ekki lengur hrædd við hann“

6.6. „Áreitið heldur áfram. Ég er ekki alveg laus við hann en ég er ekki lengur hrædd við hann,“ segir Sonja Einarsdóttir, félagsfræðingur, sem hélt erindi á málþingi sem Bjark­ar­hlíð og Kvenna­at­hvarfið stóðu fyr­ir í dag. Hún lýsti þar reynslu sinni af heimilisofbeldi sem hún sætti af hendi fyrrverandi eiginmanns síns. Meira »

„Var nauðsynlegt vegna kosninganna“

30.5. Dæmi er um að Þjóðskrá hafi kallað til lögreglu til að sannreyna lögheimilisflutning ofbeldismanns inn á heimili konu án hennar vilja. Sviðsstjóri stofnunarinnar segir hins vegar að oft tefjist rannsókn slíkra mála þar sem lögreglan setji þau ekki í forgang. Meira »

Ofbeldismenn flytja lögheimili án afleiðinga

29.5. Starfskonur Kvennaathvarfsins eru hugsi yfir aðgerðum Þjóðskrár vegna lögheimilisflutninga í Árneshrepp á Ströndum. Hingað til hefur Þjóðskrá nefnilega haldið því fram að hún geti ekkert aðhafst er ofbeldismenn hafa flutt lögheimili sitt á heimili kvenna í algjörri óþökk þeirra. Meira »

Fjölbreyttari úrræði fyrir gerendur í ofbeldismálum

18.4. Félagsmálaráðherra hefur skipað starfshóp sem meðal annars er falið að kortleggja og skilgreina þjónustuþörf fyrir gerendur í ofbeldismálum og þá sem eru í hættu á að fremja ofbeldisbrot. Hópnum er ætlað að skila ráðherra niðurstöðum sínum 1. nóvember. Formaður starfshópsins er Anna Kristín Newton. Meira »

Lögreglustjóri þarf að bera vitni

13.4. Lögreglustjórinn í Vestmannaeyjum, Páley Borgþórsdóttir, þarf að bera vitni í heimilisofbeldismáli fyrir Héraðsdómi Suðurlands. Þetta er niðurstaða Landsréttar og er í samræmi við úrskurð héraðsdóms. Meira »

Grunur um heimilisofbeldi

6.10. Karlmaður var handtekinn af lögreglunni á höfuðborgarsvæðinu í gærkvöldi grunaður um heimilisofbeldi. Hann er vistaður í fangaklefa vegna rannsóknar málsins. Flest önnur mál í dagbók lögreglunnar á höfuðborgarsvæðinu tengjast neyslu fíkniefna. Meira »

Samvinna hefur bjargað mannslífi

4.10. Samvinna þvert á kerfi er lykilatriði ef á að nást góður árangur í meðferð heimilisofbeldismála. Þá á heimilisofbeldi og ofbeldi gegn börnum að vera hafið yfir allt dægurþras pólitíkusa. Þetta er meðal þess sem kom fram á ráðstefnu um samvinnu gegn heimilisofbeldi sem fram fór í dag. Meira »

Dæmdur fyrir líkamsárás gegn eiginkonu

21.9.2017 Karlmaður á sjötugsaldri var í dag dæmdur í þriggja mánaða skilorðsbundið fangelsi fyrir að hafa slegið eiginkonu sína ítrekað með krepptum hnefa í andlit, bak og brjóstkassa. Meira »

Kona í haldi vegna heimilisofbeldis

8.9.2017 Kona var handtekin á heimili í Kópavogi um hálftvöleytið í nótt en hún hafði ráðist á sambýlismann sinn. Lögreglumenn í Kópavogi þurftu að fá aðstoð lögreglumanna af lögreglustöðinni á Hverfisgötu í aðgerðinni. Meira »

Átak lögreglunnar sagt framúrskarandi

7.9.2017 Fjallað er sérstaklega um samstarfsverkefni lögreglunnar og sveitarfélaganna, þar sem ráðist var í átak gegn heimilisofbeldi, í nýútkominni skýrslu Efnahags- og framfarastofnunar Evrópu (OECD). Þar eru framúrskarandi nýsköpunarverkefni kynnt. Meira »

Þrjú heimilisofbeldismál í nótt

3.9.2017 Lögreglan á höfuðborgarsvæðinu þurfti að grípa inn í á þremur heimilum í nótt vegna heimilisofbeldis. Barnavernd var kölluð til í einu tilviki og félagsþjónustan í öllum tilvikum. Meira »

Með áverka eftir átök mæðgna

15.8.2017 Óskað var eftir aðstoð lögreglu á hóteli í Vesturbæ Reykjavíkur um ellefuleytið í gærkvöldi vegna ósættis mæðgna. Þegar lögregla kom á vettvang var greinilegt að eitthvað hafði gengið á og var dóttirin með minni háttar áverka á enni. Meira »

Rúmlega 1300 börn búa við ofbeldi

30.5.2017 1318 börn á Íslandi hafa búið við heimilisofbeldi á síðustu tveimur árum og í 9 prósent tilfella er um að ræða ofbeldi foreldris gegn barni. í 7 prósent tilfella var um að ræða ofbeldi foreldris gegn ólögráða einstaklingi. Það eru tæplega 100 ofbeldismál, þar sem 126 börn eru brotaþolar. Meira »

20 prósent verða fyrir ofbeldi á meðgöngu

30.5.2017 Fimmta hver kona sem verður fyrir heimilisofbeldi, er einnig beitt ofbeldi þegar hún er barnshafandi, eða rúm 20 prósent. Þetta kom fram í máli Öldu Hrannar Jóhannsdóttur, aðallögfræðings lögreglunnar á höfuðborgarsvæðinu, á opnum fundi í ráðhúsinu. Meira »

Í fangaklefa eftir heimilisofbeldi

14.5.2017 Einn gistir fangageymslur lögreglunnar á höfuðborgarsvæðinu vegna heimilisofbeldis og líkamsárásar í Grafarvogi. Maki mannsins þurfti að leita læknisaðstoðar á slysadeild vegna áverka á hendi eftir árásarmanninn. Meira »

Með höfuðáverka eftir heimilisofbeldi

10.5.2017 Meint fórnarlamb heimilisofbeldis í Grafarvogi hlaut höfuðáverka eftir árás á heimili sínu um miðnætti. Sá sem varð fyrir heimilisofbeldinu neitaði að fara á bráðamóttöku til aðhlynningar að sögn lögreglu. Meira »

Kona í haldi vegna heimilisofbeldis

5.5.2017 Kona var handtekin í Grafarvogi um tvöleytið í nótt vegna heimilisofbeldis og er hún vistuð í fangageymslu vegna rannsóknar málsins. Ungir drengir voru staðnir að verki við að brjóta rúðu í Langholtsskóla í gærkvöldi. Meira »

Beitti sambýliskonu sína líkamlegu ofbeldi

27.4.2017 Hæstiréttur staðfesti í dag sex mánaða nálgunarbann Héraðsdóms Reykjavíkur yfir karlmanni vegna ofbeldis sem hann er talinn hafa beitt sambýliskonu sína, m.a. með því að kýla hana ítrekað í eyrað og þrengja peysu að hálsi konunnar þannig að för voru greinileg á eftir. Meira »

Dró konu fram úr rúmi á hárinu

5.4.2017 Héraðsdómur Suðurlands hefur dæmt karlmann á sextugsaldri í fjögurra mánaða skilorðsbundið fangelsi fyrir að hafa ráðist á konu og brotið gegn nálgunarbanni. Maðurinn réðst á konuna í september og reyndi að hafa samband við hana í kjölfar nálgunarbanns. Meira »

Missti andann og leið útaf

5.4.2017 Héraðsdómur Reykjavíkur hefur dæmt karlmann á fimmtugsaldri í 90 daga fangelsi, þar af 60 daga skilorðsbundið, fyrir að hafa ráðist á fyrrverandi kærustu sína og fyrir að aka bifreið undir áhrifum fíkniefna. Maðurinn tók konuna m.a. hálstaki þannig að hún missti andann og leið útaf. Meira »

Neyðarhnappinum úthlutað í fáum tilfellum

16.3.2017 Lögreglan á höfuðborgarsvæðinu hefur úthlutað neyðarhnapp í 25 tilvikum frá 2015. Greint hefur verið frá því að fyrrverandi eiginkonu mannsins, sem hand­tek­inn var í Aust­in í Texas vegna gruns um að hafa ráðist á ís­lenska kær­ustu sína, hafi fengið neyðar­hnapp eftir að hún og maðurinn slitu samvistum. Meira »

Hefur lifað við sífelldar hótanir

15.3.2017 Maðurinn, sem handtekinn var í Austin í Texas í síðustu viku, hefur hótað fyrrverandi eigikonu sinni meiðyrðamálsókn og ýmsu fleiru, vegna opinnar færslu sem hún birti á Facebook um meðferð hans á sér. „Þessi fjölskylda er niðurbrotin af lífi og sál af þessu öllu saman,“ segir mágur konunnar. Meira »

Ofbeldismaðurinn handtekinn

15.3.2017 Óskað var eftir aðstoð lögreglu vegna heimilisofbeldis í Grafarvogi í nótt. Ofbeldismaðurinn, karl á fimmtugsaldri, fór að heiman áður en lögregla kom á staðinn en fannst um klukkustund síðar. Hann er vistaður í fangaklefa lögreglunnar. Meira »

11 kynferðisbrot tilkynnt

15.2.2017 Ellefu kynferðisbrot voru tilkynnt til lögreglunnar á höfuðborgarsvæðinu í janúar. Það eru færri brot en tilkynnt voru til lögreglu í desember, en þá voru þau 18 talsins. Meira »

Ógnaði fjölskyldunni með hamri og hníf

9.2.2017 Lögreglan handtók ungan mann í annarlegu ástandi í Breiðholti á níunda tímanum í gærkvöldi en tilkynnt var um ofbeldi á heimilinu. Þegar lögregla kom á vettvang var hann með hamar í kjöltu sinni og hníf í hendi og hafði ógnað og hótað fjölskyldu sinni.   Meira »

Tvö heimilsofbeldismál til kasta lögreglu

3.2.2017 Lögreglan á höfuðborgarsvæðinu var í tvígang kölluð út í Reykjavík í nótt vegna heimilisofbeldis. Í hvorugt skiptið var um handtöku að ræða en í öðru tilvikinu fór annar þeirra sem deildu út af heimilinu. Meira »

8 ára dómur fyrir tilraun til manndráps

2.2.2017 Karlmaður var á þriðjudaginn dæmdur í átta ára fangelsi í Héraðsdómi Reykjaness fyrir tilraun til manndráps, nauðgun, frelsissviptingu og sérstaklega hættulega líkamsárás gegn fyrrverandi sambýliskonu sinni. Þetta staðfestir Kolbrún Benediktsdóttir, varahéraðssaksóknari hjá héraðssaksóknara. Meira »