Músíktilraunir, 2. kvöld

Suðurnesjasveitin Amaurosis er skipuð Má Gunnarssyni, 19 ára píanóleikara og söngvara, Arnari Geir Halldórssyni, 17 ára gítarleikara, Kristbergi Jóhannssyni, 17 ára trommuleikara, Guðjóni Stein Skúlasyni, 14 ára saxófónleikara, Bergur Daða Ágústssyni, 17 ára trompetleikara, Hreiðari Mána Ragnarssyni, 19 ára básúnuleikara, og Auði Erlu Guðmundsdóttur, 19 ára bassaleikara. Þau segjast spila allt á milli himins og jarðar, lög eftir sig og aðra.

Tónlistarmaðurinn Dagbjartur Daði Jónsson, sem kemur fram undur listamannsnafninu Bjartr, tekur nú þátt í Músíktilraunum í þriðja sinn, en hann komst í úrslit í tilraununum 2017. Dagbjartur er 21 árs Reykvíkingur sem hefur verið að fást við tónlist af alvöru í um þrjú ár, rappar og syngur.

Árni Dagur Arason / Day BoYo kallar sig Fógeta. Hann er sextán ára Hafnfirðingur sem byrjaði að rappa í nóvember í fyrra og gaf þá út lagið Pylsubarinn.

Gugusar skipa tvær fimmtár árta stelpur úr Reykjavík, Guðlaug Sóley Höskuldsdóttir og Aníta Núr Magnúsdóttir. Guðrún spilar á hljómborð og syngur og Aníta á slagverk. Guðlaug stofnaði sveitina og fékk Anítu til liðs við sig við flutninginn. Hún segir tónlistina ekki af einhverri ákveðinni tónlistarstefnu, en segja megi að hún sé elektró, alternative og pínu popp í bland.

Félagarnir Þórhallur Tryggvason gítarleikari, Kristófer Andrésson söngvari, Guðmundur Geir Hauksson bassaleikari og Árni Steinn Arnarson trommuleikari skipta hljómsveitina Kisimja. Þeir eru á aldrinum 18 til 21 árs og spila rokk.

Hafnafirðingarnir Ingi Rafn Elísson, 17 ára trommuleikari, Sigurður Már Gestsson, 17 ára gítarleikari, Arnar Már Víðisson, 16 bassaleikari, og Jasper Matthew Bunch, 18 ára söngvari, eru í rokksveitinni Little Menace.

Liðsmenn Parasol eru úr Reykjavík og Garðabær. þau heita Broddi Gunnarsson, sem leikur á gítar, Tómas Árni Héðinsson sem syngur, Emil Árnason, sem leikur á bassa, og Alexandra Rós Norðkvist, sem leikur á trommur. Þau eru öll 19 ára nema Árni sem er 18. Parasol hefur spilað saman í um tvær vikur og samið lög sem eru öll mismunandi á sinn hátt.

Tvíburarnir Júlíus og Tryggvi Þorvaldssynir hafa spilað saman frá því þeir voru fjögurra ára, en þeir eru sextán ára í dag. Auk þess að troða upp sem Þorvaldssynir eru þeir með útvarpsþáttinn Þorvaldssynir á Trölla FM og eru gítarleikarar og söngvarar í hljómsveitinni Ronja og ræningjarnir.

Félagarnir Haukur Þór Valdimarsson, Matthías Stefánsson og Ísak Þorsteinsson reka saman sveitina Blóðmör. Haukur spilar á gítar og syngur, Matthías á bassa og syngur og Ísak á trommur. Þeir eru 16, 17 og 18 ára og spila rokk í .yngri kantinum, en sækja sér innblástur úr öllum hugsanlegum áttum.