Ís­lensk-kúbverski fjallagarp­ur­inn Yan­dy Núñez Mart­inez lét langþráðan draum rætast þegar hann náði á topp Ev­erest-fjalls í síðustu viku. Hann er fyrsti Kúbverjinn til þess að klífa þetta hæsta fjall heims og tileinkaði afrekið öllum þeim sem búið hafa við kúgun ríkisstjórnar í heimalandi sínu. Hann segir alls ekki sjálfsagt að hafa frelsi til þess að láta drauma sína rætast.