Hin lánsömu yfirgefa ekki húsið

INNLENT  | 26. apríl | 11:20 
„Þetta er mjög auðug fjölskylda sem býr í húsinu sínu en gjaldið fyrir velsældina eru strangar reglur og ein þeirra er að þau mega aldrei yfirgefa húsið.“ Svona lýsir slóvaski danshöfundurinn Anton Lachky nýju verki sínu sem Íslenski dansflokkurinn frumsýnir á föstudag. mbl.is kíkti á æfingu.

„Þetta er mjög auðug fjölskylda sem býr í húsinu sínu en gjaldið fyrir velsældina eru strangar reglur og ein þeirra er að þau mega aldrei yfirgefa húsið.“ Svona lýsir slóvaski danshöfundurinn Anton Lachky söguþræðinum nýju verki sínu: Hin Lánsömu, sem Íslenski dansflokkurinn frumsýnir á föstudag. 

mbl.is kíkti á æfingu og ræddi við Lachky um verkið sem er kraftmikið og reynir verulega á dansarana. Þetta er ekki í fyrsta skipti sem flokkurinn sýnir verk eftir hann en árið 2012 hlaut hann ásamt dönsurum Íd verðlaun sem Danshöfundur ársins 2012 fyrir verkið: Fullkominn dagur til drauma, sem sýnt var í Borgarleikhússinu árið áður.

Þættir