Komnir upp í flugvél

INNLENT  | 9. júní | 10:45 
Íslenska karlalandsliðið er komið á Saga Lounge á Keflavíkurflugvelli þar sem liðið bíður þangað til það fer um borð í flugvélina sem flytur þá til Gelendzhik í Rússlandi þar sem æfingabúðir liðsins verða meðan á heimsmeistaramótinu í knattspyrnu stendur.

Íslenska karlalandsliðið er komið á Saga Lounge á Keflavíkurflugvelli þar sem liðið bíður þangað til það fer um borð í flugvélina sem flytur þá til Gelendzhik í Rússlandi þar sem æfingabúðir liðsins verða á meðan á heimsmeistaramótinu í knattspyrnu stendur.

 

Seinkun var á flugi liðsins, sem átti að fara klukkan 10:30 en fer ekki fyrr en hálftólf, tólf og herma heimildir mbl.is að það sé vegna þess að taskan hans Heimis Hallgrímssonar landsliðsþjálfara hafi farið upp í ranga rútu sem var á leið til Stykkishólms í stað rútunnar sem fór til Keflavíkur. Til töskunnar náðist á Akranesi og var hún send með hraði til baka.

 

Fyrir utan brottfararhliðið var búið að koma fyrir stórum sjónvarpsskjá þar sem spilaðar voru kveðjur til strákanna, m.a. frá vinum og vandamönnum. 

Leikmenn liðsins og fylgdarlið eru 45 talsins og voru allir klæddir í stíl, í ljósbláum jakka, hvítri skyrtu, og dökkbláum buxum frá Herragarðinum og brúnum leðurskóm. Fyrsti leikur liðsins er eftir viku, á móti Argentínu. 

Attachment: "Landsliðið í Leifstöð" nr. 10698

 

 

Þættir