Tískufyrirtæki Ivönku leggur upp laupana

VIÐSKIPTI  | 25. júlí | 7:08 
Ivanka Trump, dóttir Donald Trump Bandaríkjaforseta, tilkynnti í dag að tískufyrirtæki hennar hafi lagt upp laupana. Fyrirtækið hefur verið harðlega gagnrýnt af andstæðingum föður hennar.

Ivanka Trump, dóttir Donald Trump Bandaríkjaforseta, tilkynnti í dag að tískufyrirtæki hennar hafi lagt upp laupana. Fyrirtækið hefur verið harðlega gagnrýnt af andstæðingum föður hennar.

Sala á vörum úr tískulínunni gekk vel fram að forsetakosningunum 2016 en í kjölfar þess að Trump tók við sem forseti varð mikill samdráttur í sölunni.

Frétt mbl.is

Til að mynda tilkynnti stórverslanakeðjan Nordstrom að hún hefði ákveðið að hætta að selja vörulínu forsetadótturinnar í byrjun árs 2017. 

Á svipuðum tíma var greint frá því að 44% af vörum í tískulínu hennar væru komn­ar á út­sölu á net­versl­un­um í Banda­ríkj­un­um. Meðalverðlækk­un­in á vör­um frá Trump var 49%.

Ivanka Trump starfar nú sem aðstoðarmaður föður síns.

 

 

 

Þættir