Sjór líklega komist í vélarrúmið

INNLENT  | 3. nóvember | 9:20 
„Það eru engin líf í hættu og við gleðjumst yfir því en þarna er ægilega stórt skip í fjörunni og það þarf að huga vandlega að næstu skrefum,“ segir Otti Rafn Sigmarsson, björgunarstjóri hjá björgunarsveitinni Þorbirni, sem var á vettvangi í Helguvík í morgun eftir að skipið Fjordvik strandaði þar.

„Það eru engin líf í hættu og við gleðjumst yfir því en þarna er ægilega stórt skip í fjörunni og það þarf að huga vandlega að næstu skrefum,“ segir Otti Rafn Sigmarsson, björgunarstjóri hjá björgunarsveitinni Þorbirni, sem var á vettvangi í Helguvík í morgun eftir að sementsflutningaskipið Fjordvik strandaði þar.

Erfiðar aðstæður í Helguvík

„Við vorum að gera okkur klára til þess að bjarga mönnum frá borði en þyrlan náði sem betur fer að bjarga þeim,“ segir hann og á þar við þyrlu Landhelgisgæslunnar.

 

Hann segir að nóttin hafi verið mjög blaut. Björgunarsveitarmenn hafi staðið við skipið og fylgst með hvort olíuleki hafi orðið og hvort sjáanleg göt hafi verið á skrokknum. Alls voru á bilinu 80 til 100 björgunarsveitarmenn og aðrir viðbragðsaðilar á staðnum þegar mest lét. 

„Það var mikill viðbúnaður strax í upphafi enda menn um borð í skipinu þegar við vorum komnir á vettvang. Um klukkutími leið frá því að tilkynning um strandið barst þangað til þyrlan var búin að hífa skipverjana um borð.

Fimmtán bjargað við Helguvík

 

Að sögn Otta voru engin sjáanleg göt á skrokki skipsins en hann segir ljóst að það hafi tekið inn á sig sjó en það drapst á vélum þess í nótt. Viðvörunarbjöllur fóru þá í gang í skipinu og líklegt er að þær hafi verið að tilkynna um að sjór hafi komið í vélarrúmið.

Hann segir að biðstaða sé núna á meðan Landhelgisgæslan og aðrir hlutaðeigandi ráða ráðum sínum en fundur þess efnist hófst klukkan 8.

Skipið var smíðað árið 1976 og er frá Bahamaeyjum.

 

Þættir