Tjón eftir bruna í Seljaskóla séð úr lofti

INNLENT  | 12. May | 11:03 
Eldur kom upp í þaki í Seljaskóla í Breiðholti skömmu eftir miðnætti í nótt og hefur allt tiltækt slökkvilið á höfuðborgarsvæðinu sinnt slökkvistarfi óslitið síðan þá. Jón Helgason, fyrrverandi nemandi við skólann, tók þessar drónamyndir og -myndskeið sem sjá má hér að ofan í morgun sem sýna vel aðstæður á vettvangi.

Eldur kom upp í þaki í Seljaskóla í Breiðholti skömmu eftir miðnætti í nótt og hefur allt tiltækt slökkvilið á höfuðborgarsvæðinu sinnt slökkvistarfi óslitið síðan þá. 

Jón Helgason, fyrrverandi nemandi við skólann, tók þessar drónamyndir og -myndskeið sem sjá má hér að ofan í morgun sem sýna vel aðstæður á vettvangi. 

Eldurinn kom upp í þaki einnar af níu byggingum skólans. Þak byggingarinnar féll saman á fimmta tímanum í morgun og um svipað leyti tókst að slökkva mestan eldinn. Slökkviliðsmenn vinna nú að því að ná stór­um járn­plöt­um af þaki húss­ins til að slökkva í glæðum.  

Frétt mbl.is

Sex slökkviliðsmenn frá slökkviliði höfuðborg­ar­svæðis­ins eru enn að störf­um á vett­vangi brun­ans og búist er við að hreinsunarstarf haldi áfram fram á miðjan dag þar til vettvangurinn verður afhendur lögreglu. Ekkert hefur verið gefið upp um möguleg eldsupptök. 

Magnús Þór Jóns­son, skóla­stjóri Selja­skóla, sagði í samtali við blaðamann mbl.is fyrir utan skólann í nótt að ljóst mál sé að tjón af völd­um elds­ins sé mikið. Ekki er um að ræða sömu álmu og eld­ur­inn kom upp í mars, en hús­in séu speg­il­mynd hvors ann­ars. Magnús á von á ein­hverri rösk­un á skóla­starfi vegna elds­ins en seg­ir að kennt verði á mánu­dag­inn.

Frétt mbl.is

 

Þættir