Eldur í flutningabíl í Hafnarfirði

INNLENT  | 8. August | 10:07 
Eldur kom upp í vöruflutningabíl á Reykjanesbrautinni við N1 í Hafnarfirði á tíunda tímanum í morgun. Ökumaður bílsins slapp ómeiddur en litlu munaði að eldurinn næði að læsa sig í stórt fiskitroll sem var um borð í bílnum. Eldsupptök eru ókunn.

Eldur kom upp í vöruflutningabíl á Reykjanesbrautinni við N1 í Hafnarfirði á tíunda tímanum í morgun. Ökumaður bílsins slapp ómeiddur en litlu munaði að eldurinn næði að læsa sig í stórt fiskitroll sem var um borð í bílnum. Eldsupptök eru ókunn.

„Sem betur fer náðist að bjarga trollinu en það myndaðist þó nokkuð mikill eldur og reykur í bílnum sjálfum,“ segir varðstjóri hjá slökkviliðinu á höfuðborgarsvæðinu í samtali við mbl.is. Ef eldurinn hefði náð að læsa sig í trollinu hefði slökkvistarf orðið mjög erfitt og því þykir mikil mildi að slökkviliðsmönnum hafi tekist að koma í veg fyrir það. 

Lögregla og slökkvilið eru á vettvangi. Búið er að slökkva eldinn og unnið er að því að  færa trollið yfir í annan flutningabíl sem og að flytja bílinn sem eldurinn kom upp í.

Töluverðar umferðartafir eru á staðnum en umferð er hleypt um aðra akreinina. 

 

Þættir