Best að dæma ekki bókina af leðurkápunni

INNLENT  | 17. August | 16:21 
Hatari lét sitt ekki eftir liggja og var óvenju glaður í bragði þegar mbl.is rakst á sveitina í Gleðigöngunni. Þeir fagna fjölbreytileikanum í miðbænum í dag, enda samræmist það hugmyndafræðinni.

Það var þrautin þyngri að ná tali af Hatara fyrir æstum áhorfendum sem vildu ýmist ná mynd af sér með sveitinni eða bara lýsa aðdáun sinni með því að kyrja nafn þeirra. Sveitin tók þátt í Gleðigöngunni og steig á stokk í Hljómskálagarðinum við mikinn fögnuð á fimmta tímanum. 

„Við erum mjög ánægðir með þetta. Við erum að fagna fjölbreytileikanum og minna fólk á að dæma ekki bókina af leðurkápunni,“ sagði Matthías Tryggvi Haraldsson söngvari sveitarinnar við mbl.is. Einar Stefánsson gimp þagði eins og hans er von og vísa.

Klemens Hannigan meðlimur í Hatara mætti aðeins seinna en Matthías og Einar en var ekki lengi að skella sér í búninginn.

Attachment: "Hatari" nr. 11201

 

 

Þættir