Mestu fólksflutningar Breta á friðartímum

ERLENT  | 23. september | 23:43 
Aðgerðir breskra stjórnvalda vegna gjaldþrots ferðaþjónustufyrirtækisins Thomas Cook eru afar víðtækar, en 155.000 breskir ferðamenn urðu strandaglópar í einni svipan er tilkynnt var í nótt að Thomas Cook hefði farið sína hinstu ferð. Bresk stjórnvöld munu í reynd gerast ferðafrömuðir næstu tvær vikurnar, til þess að koma sínu fólki heim.

Aðgerðir breskra stjórnvalda vegna gjaldþrots ferðaþjónustufyrirtækisins Thomas Cook eru afar víðtækar, en 155.000 breskir ferðamenn urðu strandaglópar í einni svipan er tilkynnt var í nótt að Thomas Cook hefði farið sína hinstu ferð. 450.000 ferðamenn til viðbótar verða fyrir áhrifum af gjaldþrotinu.

Bresk stjórnvöld hafa ákveðið að koma sínu fólki heim og munu í raun gerast ferðafrömuðir næstu tvær vikurnar og leigja fjölda flugvéla til að koma Bretum heim á leið. Í raun eru þær aðgerðir ekki ólíkar þeim sem íslensk stjórnvöld gripu til til þess að koma viðskiptavinum WOW air á áfangastað í lok mars, en þó öllu umfangsmeiri.

https://www.mbl.is/vidskipti/frettir/2019/09/23/thomas_cook_gjaldthrota/

https://www.mbl.is/frettir/innlent/2019/04/01/stormal_ad_fljuga_med_john_og_rose_heim/

Fólksflutningarnir nú eru þeir mestu sem bresk stjórnvöld hafa staðið fyrir á friðartímum, samkvæmt því sem fram kemur í frétt BBC frá því í dag, en ýmist mun breska ríkið senda leiguvélar eftir sínu fólki eða bóka flugsæti fyrir fólk með öðrum flugfélögum.

16.000 manns áttu flug á vegum Thomas Cook heim til Bretlands úr fríi í dag og vonuðust þarlend stjórnvöld eftir því að um 14.000 kæmust á leiðarenda.

 

Fram kemur í samantekt BBC um fall Thomas Cook að 22.000 störf gætu tapast á heimsvísu, þar af 9.000 störf í Bretlandi. Fyrirtækið átti alls 34 Airbus-þotur sem það notaði til þess að fljúga með ferðalanga um heiminn.

https://www.mbl.is/frettir/erlent/2019/09/23/thusundir_skandinava_strandaglopar/

https://www.mbl.is/frettir/erlent/2019/09/23/haldid_i_gislingu_vegna_skuldar_thomas_cook/

Dæmi eru um að hótel hafi krafið ferðamenn um að greiða reikninga sína sjálfir eftir að fréttir bárust af falli Thomas Cook, eins og sjá má í myndskeiðinu frá AFP-fréttastofunni hér að ofan.

Bresk yfirvöld segjast vera að vinna í því að hafa samband við hótel og láta þau vita af því að neyðarsjóður breska ríkisins muni stíga inn og greiða ógreiddar kröfur Thomas Cook fyrir þegar veitta þjónustu.

 

Þættir