13 milljónir á ári í góð málefni

VIÐSKIPTI  | 29. október | 15:03 
„Framúrskarandi fyrirtæki fyrir mér er fyrirtæki sem hefur mjög sterkt undirliggjandi markmið og það markmið ætti líklega að vera tengt því að leysa eitthvert stórt félagslegt, mannlegt eða vistfræðilegt vandamál,“ segir Haraldur Þorleifsson, stofnandi Ueno sem hefur náð frábærum árangri.

„Framúrskarandi fyrirtæki fyrir mér er fyrirtæki sem hefur mjög sterkt undirliggjandi markmið og það markmið ætti líklega að vera tengt því að leysa eitthvert stórt félagslegt, mannlegt eða vistfræðilegt vandamál,“ segir Haraldur Þorleifsson, stofnandi Ueno sem hefur náð frábærum árangri á Bandaríkjamarkaði á undanförnum árum.

Haraldur sem er búsettur í San Francisco svaraði nokkrum spurningum fyrir mbl.is í tilefni þess að fyrirtækið er eitt af Framúrskarandi fyrirtækjum Creditinfo.

Fyrirtækið setti á fót sjóð sem gefur 13 milljónir á ári í góð málefni en stórfyrirtæki á borð við Apple, Reuters, Visa og Lonely Planet hafa verið í viðskiptum við Ueno sem var stofnað árið 2014. Vöxtur þess hefur í raun verið undraverður og í myndskeiðinu segir Haraldur meðal annars frá grunngildum Ueno sem að hans sögn kalla fram það besta hjá starfsmönnum þess og fyrirtækinu sem heild.

mbl.is í samstarfi við Creditinfo framleiðir 10 myndskeið um Framúrskarandi fyrirtæki Creditinfo og áður hafa birst myndskeið um Krónuna og ORF Líftækni.

Þættir