„Ég hélt að það væri bara jafnrétti“

FÓLKIÐ  | 27. nóvember | 16:33 
„Ég fór ekki í pólítík út af jafnréttismálum, ég brann ekkert sérstaklega fyrir jafnréttismál af því að ég hélt að það væri bara jafnrétti,“ segir Þórdís Kolbrún.

Næsti gestur Loga er ráðherrann með mörgu embættin, lögfræðingurinn og töffarinn Þórdís Kolbrún Reykfjörð Gylfadóttir. Hún hefur upplifað margt í gegnum ævina þrátt fyrir ungan aldur, áskoranir og hin ýmsu afrek. Nýverið hlaut hún verðlaun fyrir störf sín sem ráðherra, en verðlaunin eru veitt fimm framúrskarandi ungum stjórnmálamönnum um allan heim.

Hún segir meðal annars í viðtali hjá Loga að þegar hún fór í pólitík árið 2007 hélt hún að hún þyrfti ekki að hafa einhverja sérstaka skoðun á jafnréttismálum.

„Ég fór ekki í pólitík út af jafnréttismálum, ég brann ekkert sérstaklega fyrir jafnréttismál af því að ég hélt að það væri bara jafnrétti,“ segir Þórdís Kolbrún í viðtali sem verður sýnt í Sjónvarpi Símans á fimmtudaginn klukkan 20.10.

Þættir