„Við vitum af svona húsum“

INNLENT  | 26. júní | 16:21 
„Það eru nokkur svona hús og við vitum af þeim,“ segir Drífa Snædal, forseti ASÍ. Hún segir atburðina í gær á Bræðraborgarstíg vekja upp mikla reiði og sorg ekki síst þar sem vitað hafi verið af vandamálinu um langt skeið.

„Það eru nokkur svona hús og við vitum af þeim,“ segir Drífa Snædal, forseti ASÍ. Hún segir atburðina í gær á Bræðraborgarstíg vekja upp mikla reiði og sorg ekki síst þar sem vitað hafi verið af vandamálinu um langt skeið. 

Í myndskeiðinu er rætt við Drífu og Sólveigu Önnu Jónsdóttir, formann Eflingar, um atburði gærdagsins þar sem þrír létu lífið í brunanum á Bræðraborgarstíg. Þær eru harðorðar þar sem lengi hafi verið reynt að knýja fram breytingar sem myndu bæta úr aðbúnaði erlends verkafólks hér á landi ekki síst með tilliti til búsetu.

 

Drífa segir til að mynda að þegar verkalýðsfélögin nái sambandi við erlent verkafólk sem sé hér á vinnumarkaði hafi það í kjölfarið misst vinnuna fyrir það eitt að vera í sambandi við félögin.

Þá eru myndir af rústunum við Bræðraborgarstíg sem voru teknar með dróna í dag þegar tæknideild Lögreglunnar var að rannsaka aðstæður. 

Þættir