10 grindhvali rak á land

INNLENT  | 14. september | 11:19 
Vegfarendur sem áttu leið um Álftafjörð á Snæfellsnesi í gær komu að hópi grindhvala sem hafði rekið á land. Að sögn sjónarvotta voru dýrin 10 talsins og var lífsmark með þremur þeirra þegar fólkið bar að. Reynt var að vökva dýrin og gera þeim lífið bærilegra án árangurs.

Vegfarendur sem áttu leið um Álftafjörð á Snæfellsnesi í gær kom að hópi grindhvala sem hafði rekið á land. Að sögn sjónarvotta voru dýrin 10 talsins og var lífsmark með þremur þeirra þegar fólkið bar að. Reynt var að vökva dýrin og gera þeim lífið bærilegra án árangurs. 

Í myndskeiðinu sem Darja Lane sendi mbl.is má sjá dýrin berjast fyrir lífi sínu í fjöruborðinu en greinilegt er að mikið hefði þurft til að ná að koma þeim til bjargar. Hegðunin er vel þekkt hjá grindhvölum og í fyrra varð einn stærsti hvalreki í landsins í langan tíma þegar tugi grindhvala rak á land við Löngufjörur á Snæfellsnesi. 

Darja segir í samtali við mbl.is að hún hafi gert lögreglu viðvart en að ekki hafi neinn komið á staðinn á meðan hún var þar. Ekki náðist í lögregluna á Vesturlandi við vinnslu fréttarinnar.

Frétt af mbl.is

Þættir